ХОЗИРГИ ЗАМОН ЁШЛАРИ
Шеьр ўқишни боплабсиз!!!
Қойилни мақом қилиб
Қайноналар кўнглидагин
Қизим топибсиз билиб
Сигир соғиш, нон ёпиш
Ўчоқни билмайдилар
Таппи~тезак деганнию
Ўлса ҳам қилмайдилар
Қозонда сув иситиб
Кир ювишлар энди йўқ
Танчага хокондозлаб
Кунда босмайдилар чўғ
Хозирги келинларга
Асло келмас хавасим
Қайтамга мен ачинаман
Тўғриси келар рахмим
"Чаққонбойнинг кечгача
Бўлмаса хам тиними
Қилаётган ишларининг
Кўринмайди унуми
Буларнинг на кунида
На пулида барака бор
У маошдан бунисига
Юришади. Қарздор
Битта бола катта қилиш
Қимматга тушиб кетди
Памперс, каша, салфетка
Талаблар ошиб кетди
" Бешик бола ~Бек бола"
Бағри иссиқ ётади
Болани беланг деса
Энсалари қотади
Замон бизга боқмаса
Биз замонга боқамиз
"Гап" ўйнаймиз хар ойда
Келганда нафақамиз
Ота~она пулин йиғиб
Олиб кетмас гўрига
Харна болам ишлатар дер
Боласини тўйига
Онамиздек бўлмадик деб
Ўтирманглар бахслашиб
Тинч яшасангиз бўлди
Замонага мослашиб
