#Maslahat
Alloh taolodan biror narsa so‘rasangiz, albatta, mukammal qilib so‘rang! Nomigagina, chala so‘ramang!
Farzand so‘rayapsizmi... solih, sog‘lom, go‘zal, farosatli va hakazo to‘ldirib so‘rang!
Uy so‘rayapsizmi... barokatli, yaxshilikka boy, qo‘shnilari yaxshi va hakazo to‘ldirib so‘rang!
Ish so‘rayapsizmi, pul so‘rayapsizmi, turmush o‘rtoq so‘rayapsizmi to‘ldirib so‘rang!
Uylanish arafasida turgan yigitlar... sizga itoat qiladiganini so‘rang, qomat, chiroy o‘tkinchidir.
Turmush qurmoqchi bo‘lgan qizlar... mukammal so‘rang, chiroyli bo‘lsin, puli bo‘lsin bilan ish bitmaydi. Puli bo‘lgani bilan sizga bermasligi mumkin, chiroyi bo‘lgani bilan ahmoq bo‘lishi mumkin. Mardini so‘rang, nomarddan O‘zi saqlasin!
Qizlarimga doim: "Vijdoni borini so‘ranglar, Allohdan qo‘rqadiganini so‘ranglar, insofi borini so‘ranglar", deb charchamadim. Ko‘pni ko‘rdim, vijdonni birinchi o‘ringa qo‘ydim. Namoz, ro‘za boshqa ibodatlar insonni o‘zi uchun ekan, boshqalarga undan naf yo‘q. Vijdon, insof bo‘lmasa ana bu katta muammo...
