❗️ҚИЗЛАРГА ГАП ОТГАН ШАХСЛАРГА ҚАНДАЙ ЖАВОБГАРЛИК БОР ?
⚡️САВОЛ;
Қизларга гапирган йигитларга қонунда жавобгарлик белгиланганини эшитдим, шу тўғрими. Энди қиз бола билан умуман гаплашиш мумкин эмасми ?
⚡️ЖАВОБ;
Ҳавотирланиб ёзаётганингизга қараганда айни гаплашадиган ёшдаги йигитга ўхшайсиз. Ха майли, жавобни Сиз тушунадиган қилиб беришга ҳаракат қиламиз. Қаранг! Маъмурий жавобгарлик тўғрисидаги кодекснинг 41-прим 1-моддасига кўра, шаҳвоний шилқимлик қилиш, яъни шахсга нисбатан унинг учун номақбул бўлган ҳамда унинг шаъни ва қадр-қимматини таҳқирлайдиган, шахснинг ташқи қиёфасини ёки қадди-қоматини тавсифлашда, имо-ишора қилишда, тегинишда, чақиришда ифодаланган, шаҳвоний хусусиятга эга бўлган ҳаракатларни бир марта қўпол равишда ёки бир неча марта содир этганлик учун маъмурий жавобгарлик белгиланган бўлиб, шундай қилмишни содир қилган шахс 1 650 000 сўмгача жарима тўлаши ёки 15 сутка маъмурий қамоққа олиниши мумкин.
✏️ Бу нима дегани? Масалан, Сиз билан бирга ўқийдиган қизлар билан ёки маҳаллангиздаги қизлар ё бўлмаса вазият тақазоси билан гаплашишингизга тўғри келиб қолган бегона қиз билан табиий жараёндаги одатий мавзуларда тўғри маънода гаплашадиган бўлсангиз, ундай ҳолат учун Сизга ҳеч қандай жавобгарлик йўқ. Қўшнингиз Мастурага — ей Мастура, дадам дадангни чақиряпти десангиз ёки ўқишдаги курсдошингизга — ей Фотима, кеча мени дафтарим сенда кетиб қолибди деб айтсангиз ё бўлмаса, бегона бир қиздан Пушкин метрога қаердан боради деб сўрасангиз, хеч ким Сизни олиб бориб 15 суткага қамаб қўймайди.
✏️ Қачон қизларга гап отиш жавобгарлик келтириб чиқаради ? Агар, ўша курсдошингизга ёки халеги қўшнингиз Мастурага, уни ҳоҳиш истаги билан умуман қизиқмасдан туриб, шаҳвоний хусусиятга мос оҳангда — Мастурахооо.. дадангизни дадамни олдига киргизворингда ўзингиз "Срочно" чинорни тагига чиқинг гаплашамиз деб ё бўлмаса аааа чиқмедилааами? Майли, оқибат узилмасин, муносабатимиз бузилмасин, умрингиз узоқ, сигирингизни олдида бузоқ бўлсин деб уни шахсиятига тегадиган гаплар гапирсангиз шундай ҳолатда Сизга нисбатан юқоридаги жавобгарлик белгиланиши мумкин.
