Yangi tugʻilgan chaqaloqqa masʻuliyatli ota-ona boʻlish
Siz ikkingiz har kuni bir-biringiz haqingizda yangi maʼlumotlar oʻrganasiz. Farzandingiz voyaga yetgani sari uning qanday ehtiyojlari borligini bilib borasiz.
Shuningdek, ota-ona bola bilan muloqot davomida ham ruhan ham jismonan sogʻlom rivojlanib boradi. . Baʼzi holatlarda koʻplab onalar bolaga gʻamxoʻrlik qilish davomida oʻzlari haqida biroz unutib qoʻyishadi. Ona har qanday vaziyatda oʻziga ham eʼtiborli boʻlishi talab etiladi.
Yangi tugʻilgan chaqaloqning oʻsib rivojlanib borayotganligi borasida qachon qaygʻurish lozim?
Agar farzandingiz:
koʻp yigʻlab bezovtalanyotgan;
yaxshi ovqatlanmayotgan;
bu yosh uchun moʻljallangan vaqtdan koʻpini uxlash bilan oʻtkazsa, ya’ni 16 soatdan oshiq, ammo tartibsiz;
qoʻl va oyoqlarini harakatlantirmasa;
koʻrish boʻyicha bolada zaiflik sezilsa;
boshqacha ohangda ovoz chiqarsa;
tovushlarni eshitmasa, va beparvolik qilsa zudlik bilan mutaxassislarga murojaat qiling.
Bunday holatlarning kuzatilishida odatda onaning homiladorlik davrida koʻp siqilganligi, depressiya holatiga koʻp tushganligi, turmush oʻrtogʻi bilan boʻladigan baʼzi kelishmovchiliklar hamda atrofdagi muhitning yomonligi sabab boʻlishi mumkin. Onaning koʻnglidan oʻtayotgan nohushliklarni bola ham birdek his etadi. Shuning uchun farzandingiz kelajakda ruhiy kasalliklardan holi tugʻilishini xohlasangiz harakatni homiladorlik davridan boshlash maqsadga muvofiqdir.
Har bir bola turli koʻrinishda voyaga yetadi. Agar farzandingiz rivojlanishidan havotirda boʻlsangiz, oldindan vahima qilmang. Tinchlanib olib yuqorida eslatib oʻtilgan koʻrsatmalarni koʻzdan kechiring. Shundan soʻng shifokorlaga murojaat qilishingiz mumkin.
