MINIMAL ISTЕ’MOL XARAJATLARI MIQDORINING OSHGANLIGINI BOLALAR NAFAQASIGA TA’SIRI QACHON BOSHLANADI ?
⚡️SAVOL;
Kanalda minimal iste’mol harajatlari miqdori oshganligi uchun bola pulini olish nisbatan osonlashadi deb yozgan ekansizlar. Manashu tartib qachondan kuchga kiradi ?
⚡️JAVOB;
Vazirlar Mahkamasining 654-son qarori bilan tasdiqlangan nizomga ko‘ra,
➖ oilaning daromadlari kam ta’minlanganlik mezoniga muvofiqligini aniqlashda minimal iste’mol xarajatlarining yangi miqdori Statistika agentligi tomonidan rasman e’lon qilingan oydan keyingi oyning 1-sanasidan boshlab bolalar nafaqasi va moddiy yordam tayinlash uchun taqdim etilgan arizalarga qo‘llaniladi deb belgilangan.
✏️ Ma’lumki, minimal iste’mol xarajatlarining yangi miqdori Statistika agentligi tomonidan o‘tgan aprel oyida 648 000 so‘m etib belgilanganligi e’lon qilindi. Demak, manashu may oyidan boshlab bolalar nafaqasi yoki moddiy yordamga ariza berayotgan oilalarning oylik daromadlari minimal iste’mol xarajatlarining yangi miqdoridan kelib chiqib xisoblanishi kerak
