OTA YOKI ONALIK HUQUQIDAN MAHRUM BO‘LISHNING HUQUQIY OQIBATI QANDAY BO‘LADI ?
Oila kodeksining 81-moddasiga ko‘ra,
➖ Ota-onalik huquqidan mahrum qilingan ota-ona qaysi bolaga nisbatan ota-onalik huquqidan mahrum qilingan bo‘lsa, shu bolaga nisbatan bo‘lgan qarindoshlik faktiga asoslangan barcha huquqlardan, shu jumladan undan ta’minot olish, shuningdek bolali fuqarolar uchun qonunchilikda belgilangan imtiyozlar va nafaqalar olish huquqlaridan mahrum bo‘ladi.
❗️Ota-onalik huquqidan mahrum qilinishi ota-onani o‘z bolasiga ta’minot (Aliment) berish majburiyatidan ozod qilmaydi.
✅ Ota yoki onasi o‘ziga nisbatan ota-onalik huquqidan mahrum qilingan bola, agar u farzandlikka olingan bo‘lmasa, turar joyga bo‘lgan mulk huquqini yoki turar joydan foydalanish huquqini saqlab qoladi, shuningdek ota yoki onasi va boshqa qon-qarindoshlari bilan tug‘ishganlik faktiga asoslangan barcha mulkiy huquqlarini, jumladan meros olish huquqini saqlab qoladi.
✅ Bolani ota yoki onasiga berishning imkoniyati bo‘lmagan yoki ota-onaning har ikkalasi ham ota-onalik huquqidan mahrum qilingan taqdirda, bola vasiylik va homiylik organining qaramog‘iga olib beriladi.
❗️Ota-ona (ulardan biri) ota-onalik huquqidan mahrum qilinganda bolani farzandlikka olishga ular ota-onalik huquqidan mahrum qilinganligi to‘g‘risidagi sudning hal qiluv qarori chiqarilgan kundan keyin kamida olti oy o‘tgach yo‘l qo‘yiladi.
✏️ Demak, ota-onalik huquqidan mahrum qilingan ota yoki ona bunday huquqdan mahrum bo‘lganidan keyin bolaga nisbatan qarindoshlik huquqlaridan mahrum bo‘ladi biroq, o‘sha bolaga nisbatan ta’minot berish majburiyatidan ozod bo‘lmaydi xamda agar bola boshqa oilaga farzandlikka olinmagan bo‘lsa o‘z ota-onasining bir umirlik merosxo‘ri bo‘lib qolaveradi.
