Shtraflarim ko‘payib ketibdi, to‘lolmadim. MIB ga oshib, bugun sms keldi, moshinamga arest qo‘yilibdi. Shu qonuniymi?
2-savol: yo‘l chizig‘iga shtraf yozmayeptimi, shunaqa xabar kelgandi?
1-savolingiz bo‘yicha ushbu xatti-harakat to‘g‘ri. Asos Ma’muriy javobgarlik to‘g‘risidagi Kodeksning 291-moddasi hisoblanadi.o Unga ko‘ra, Yo‘l harakati qoidalarini buzganlik uchun jarima solish haqida qaror chiqarilgan kundan e’tiboran oltmish kun ichida jarima to‘lanmagan taqdirda, transport vositasi jarima solish to‘g‘risida qaror chiqargan vakolatli organ rahbarining yozma ko‘rsatmasiga binoan jarima solish to‘g‘risidagi qarorning ijrosi yuzasidan ish yuritish tugaguniga qadar ushlab turiladi.
2-savolingiz bo‘yicha, haydovchilarning yo‘l belgilari yoki yo‘lning qatnov qismidagi chiziqlar bilan belgilab qo‘yilgan talablarga rioya etmasligi Ma’muriy javobgarlik to‘g‘risidagi Kodeksning 128-moddasi bilan bazaviy hisoblash miqdorining ikkidan bir qismi miqdorida jarima solishga sabab bo‘ladi. Xuddu shunday huquqbuzarlikni ma’muriy jazo qo‘llanilganidan keyin bir yil davomida takror sodir etish-bazaviy hisoblash miqdorining bir baravari miqdorida jarima solishga sabab bo‘ladi
