BIR OILADAN BO‘LGAN QARINDOSHLAR MAKTABDA BIRGA ISHLASHI MUMKINMI?
Bizning maktabda bir oiladan besh kishi bitta maktabda ishlaydi, ya’ni, katta farzand zavxoz, uning xotini o‘qituvchi, qizi ham ham oliygohda o‘qiydi, ham shu maktabda dars beradi. Ukasi qorovul va uning hotini o‘qituvchi. Bu qonuniymi?
JAVOB
Mehnat kodeksining 121-moddasiga ko‘ra, O‘zaro yaqin qarindosh yoki quda tomondan qarindosh bo‘lgan shaxslarning (ota-ona, aka-ukalar, opa-singillar, o‘g‘illar, qizlar, er-xotin, shuningdek er-xotinning ota-onasi, aka-ukalari, opa-singillari va farzandlari) aynan bitta davlat tashkilotida birga xizmat qilishi, agar ularning birga xizmat qilishi ulardan birining ikkinchisiga bevosita bo‘ysunishiga yoki uning nazorati ostida bo‘lishiga bog‘liq bo‘lsa taqiqlanadi.
Istesnolar Vazirlar Mahkamasining 133-son O‘ZBEKISTON RESPUBLIKASINING MEHNAT KODEKSINI AMALGA OSHIRISH UCHUN ZARUR BO‘LGAN NORMATIV HUJJATLARNI TASDIQLASH TO‘G‘RISIDAgi qaroriga 3-ilovada belgilangan bo‘lib, unda Barcha o‘quv va tarbiya muassasalaridagi pedagog xodimlar, o‘qituvchilar, bibliograflar va kutubxonachilar bitta davlat tashkilotida birga xizmat qilishi, agar ularning birga xizmat qilishi ulardan birining ikkinchisiga bevosita bo‘ysunishiga yoki uning nazorati ostida bo‘lishiga bog‘liq bo‘lsa ham ishlashlari mumkinligi ko‘rsatilgan.
Demak, sizning vaziyatingizda o‘qituvchilar bir-birovga bo‘ysungan holatda ishlashlari mumkin. Shuningdek, yaqin qarindoshlar zavxoz va o‘qituvchilar, hamda qorovul xodimlar maktabda bir-biriga bo‘ysunuv tartibida ishlamasliklarini ham hisobga olish zarur!
