+11 ovoz
10.4k ko'rilgan 11 2
Bu mavzu Tibbiyot bo'limida | 10.4k ko'rilgan
  

2 Javob

+2 ovoz
Eng zo'r javob
2
Ajin kimga yoqardi, deysiz?! Ko‘p hollarda erta ajin tushishiga terining o‘ziga xos xususiyatlari yoki hayot tashvishlari sabab bo‘ladi.

O’zingizga bir e’tibor bering: sizda qoshni ko‘tarish odati yo‘qmi? Ko‘pchilik buni o‘zi payqamaydi. Aslini olganda ana shunday yuz ifodasi oqibatida odamning yuziga chuqur ajin erta tushadi.

Odam barcha yuz mushaklarini zo‘riqtirib kulganda yanoqda, burunda, ko‘z atrofida, hatto, bo‘yinda ajinlar paydo bo‘ladi. Ko‘zi yaxshi ko‘rmaydigan, lekin ko‘zoynak taqishga uyaladigan, oqibatda ko‘zini qisib qaraydigan odamlar ko‘zi atrofida mayda ajinlar yelpig‘ichga o‘xshab yoyilib ketadi. Bu ajinlar asta-sekin “g‘oz panjasi” shaklini oladi. Biroq, burundan og‘iz burchagiga tomon tushgan chuqur ajinlar odamni juda qari ko‘rsatadi. Bu ajinlarni ba’zi odamlarda faqat kosmetika nuqsoni emas, balki kishi fe’l-atvorining ma’lum xususiyatlari tufayli yuzaga kelgan deyish mumkin: bunday kishilar ko‘pincha nimadandir doim norozi bo‘lib yuradigan, bekordan-bekorga noliyveradigan bo‘ladilar.

Chuqur ajin tushishining oldini olish mumkin. Bu ishni uddalasa bo‘ladi, unchalik qiyin emas, faqat xohish bo‘lsa bas.

Ko‘zguga yaxshilab qarang, telefonda, uyingizdagilar bilan gaplashayotganingizda ko‘rinishingiz qanaqa bo‘ladi, qanaqa kulasiz, bir o‘ylab ko‘ring. Ko‘zguga bamaylixotir, yuz ifodasini o‘zgartirmasdan qarab turing. Ana shu paytda yuz mushaklarida paydo bo‘ladigan sezgilarga e’tibor bering. Ularni eslab qoling va iroda kuchi bilan bu sezgilarni kun bo‘yi saqlashga harakat qiling.

Peshonadagi ajinlarni yuz mushaklari uchun mo‘ljallangan maxsus gimnastika yordamida ketkazish mumkin. Biroq, bunda muvaffaqiyatning asosiy sharti peshonani tirishtirish odatini tashlashdir.

Ertalab uyg‘onganingizda o‘rindan turmasdan 5-6 lahza mobaynida qovoqlaringizni qattiq yuming. Ko‘rsatkich barmoqlaringizni qosh usti va uning yoniga qo‘ying. Ko‘zlaringizni 4-5 lahza katta oching. Mashqni 8-10 marta takrorlang. Bir necha kundan keyin qosh yoyi ustiga barmoqlarni qo‘yishning hojati bo‘lmaydi. Chunki, ko‘zni bir marta ochganda ham peshonada ajinlar to‘planmaydigan bo‘ladi.

Quyidagi usuldan foydalanish mumkin: peshonaga oziqlantiruvchi yog‘li krem suring. Uning ustidan bir bo‘lak mum qog‘oz yopingda, bint bilan bog‘lab qo‘ying. Bog‘lov qancha uzoq tursa, shuncha yaxshi. Bu usul kamida 15-20 marta takrorlanganda uning foydasi bo‘ladi. Ajinlar izini yumshatish uchun yuzingizning xotirjam, muloyim holatda bo‘lishiga harakat qiling.

Terini, ayniqsa, quruq terini noto‘g‘ri parvarish qilganda ham ajin erta tushadi. Yuz yuvishda sovunni kamroq ishlating, oqartiradigan va boshqa kremlardan ehtiyotlik bilan foydalaning. Uqalash ham ajinlarni yo‘qotadi, lekin uni qoidasi bilan bajargandagina foyda qiladi. Bu muolaja usulini mutaxassis-kosmetologdan o‘rganib olish mumkin.

belgilash
+2 ovoz
2
Uy sharoitida ajinlarga qarshi kurashish usullari
Yosh kattalashgan sari, kishi terisida ajinlar paydo bo‘la boshlaydi. Tabiiyki, har bir ayol atrofidagilardan terisidagi bunday kamchiliklarni bekitishga intiladi. Xo‘sh, ajinlarni uy sharoitida yo‘qotishning usullari mavjudmi?

Kosmetologlar bunday protseduralarni bemalol uy sharoitida ham bajarish mumkinligini ta’kidlamoqda. Quyida ajinga qarshi usullarning eng oddiy va osonlarini keltirib o‘tamiz.

Ajinga qarshi massaj

Bunday massaj terini namlantirib, undagi suv balansini tiklaydi. Yuz terisini kokos yoki bodom yog‘i bilan massaj qilishingiz mumkin. Ko‘z tagidagi ajinlarni yo‘qotish uchun kanakunjut moyi qo‘l keladi.

Ajinga qarshi niqob

2

Bunday niqobni uzumdan tayyorlash mumkin. Buning uchun uzum etini yaxshilab ezib, yuzga 20 daqiqaga surish lozim. Peshonadagi ajinlarga qarshi esa banan pyuresini niqob qilib surish yaxshi ta’sir qiladi.

Sog‘lom hayot tarzi

Go‘zalligimiz ko‘p hollarda hayot tarzimizga bog‘liq bo‘ladi. Horg‘inlik yoki aksincha, yaxshi kayfiyat birinchi navbatda yuzimizda o‘z ifodasini topadi. Shu tufayli mutaxassislar yoshga bog‘liq ajinlarga qarshi kurashda eng oson va tabiiy yo‘l — sog‘lom hayot tarzini tavsiya etadi. Quyida bunday turmush tarzi olib borishning oltin qoidalarini keltirib o‘tamiz.

3

    Chekishni tashlang

Tamaki tutuni teriga salbiy ta’sir qilib, uning tarkibidagi kislorodni kamaytiradi, natijada hujayralar yangilanishi jarayoni sekinlashadi.

    Terini quyoshdan himoya qiling

Quyoshli havoga chiqishdan avval teriga ultrabinafshali krem surib, ko‘zoynak taqib oling. Quyosh nuri terining barvaqt qarishiga olib keladi.

    Piyoda sayr qilib turing

Toza havo terini kislorod bilan boyitib, uning go‘zalligi va yoshligini uzaytiradi.

    To‘g‘ri ovqatlaning

Terini yaxshilash uchun meva va sabzavotlar (kletchatka va vitaminlar), dengiz mahsulotlari, go‘sht va tuxum (oqsil), sut-qatiq (oqsil va kalsiy), suli yormasi (ovsyanka) va don mahsulotlari (uglevodlar), yong‘oqlar (oqsil va yog‘lar), asal iste’mol qilish lozim.

    Yuz terisini tozalab turing

Teri nafas olib, tiniq va yosh ko‘rinishi uchun uni har kuni kosmetik vositalardan tozalab, yuvish bilan birgalikda, haftada kamida bir marta yumshoq skrablarni ishlatish lozim. Ular yuz terisining o‘lik hujayralarini archib tushiradi.

    Ortiqcha asabiylashmang

Ish kunlari va og‘ir ish haftasi so‘ngida dam olib, o‘zingizni “qayta tiklash”ni o‘rganing.

    Ko‘proq harakatlaning

Har kuni jismoniy mashqlar bajaring, yoga, raqs, suzish va boshqalar bilan shug‘ullaning. Shunday faollik chog‘ida teri kislorod bilan boyib, o‘zidagi zararli toksinlarni chiqarib yuboradi.

O'xshash savollar

+10 ovoz
1 javob
+16 ovoz
2 javob
+1 ovoz
1 javob
anonim Bu mavzu Internet bo'limida 03 Noy, 19 savol berdi | 97 ko'rilgan
+1 ovoz
1 javob
anonim Bu mavzu Internet bo'limida 23 Okt, 19 savol berdi | 309 ko'rilgan