Kadastr agentligida dolzarb 40 kunlik e’lon qilindi
Unga ko‘ra hududlarda yer va kadastr nazorati tadbirlari kuchaytiriladi.
Jumladan:
45 ta dron yordamida nazorat tadbirlari olib boriladi;
O‘zbekkosmos agentligi tomonidan taqdim etilgan kosmik suratlarni taqqoslash orqali qonunbuzarliklar aniqlanadi;
Yer nazoratchi inspektorlar tomonidan aniqlangan holatlar joyiga chiqqan holda maxsus planshetlar yordamida “E-Yer nazorat” axborot tizimiga kiritiladi va onlayn nazorat qilinadi;
Jinoyat alomatlari bor ya’ni, sug‘oriladigan yerlarni o‘zboshimchalik bilan egallash va unda noqonuniy qurilish qilish holatlari Prokuratura organlariga yuboriladi.
PS: "O‘zboshimchalik bilan qurilgan imoratlarga nisbatan mulk huquqini e’tirof etish to‘g‘risida"gi qonun qabul qilinishidan oldin Kadastr agentligi tozalash ishlarini olib borayotgan ko‘rinadi. O‘zboshimchalik bilan yerlarni egallashdan tiyiling Yer qonunchiligini buzganlik uchun ma’muriy hamda jinoiy javobgarlik belgilangan
