Internet ishlamay qolgani uchun qayta attestatsiyadan o‘tish mumkinmi?
@Yurist_Xizmati 4499-savol:
Assalaumaleykum, men boshlangich sinf ukituvchisiman 19-aprel kuni soat10:30da atestatsiya test sinoviga katinashdim Sinov paytida internet alokasi uchib koldi, 37dakikani kursatib kompyuterim kotib koldi Internet tiklangan paytida ozgina dakika koldi degan kurkuv bulib, savollarni chala ukib, notugri belgiladim Bir tarafdan auditoriyada internet ishlamay kolgan paytida dakikalari xisoblanib ketgan ukituvchilar shovkin chikarishdi, testni tugri muloxoza kilishimga shovkin xam xalkit yuyerdi Testlar kozok tiliga notugri tarjima kilingan, kupchilik test maktabimizga xali yetib kelmagan yangi kitoblardan olingan 19-aprel kungi topshirilgan test sinovi buyicha appelyatsiya yozib ketdim, lekin bu kuriladi mi yuk mi ishonchim komil emas Bu xolatda yana kayerga murojat kilishim mumkin? Aynan 19-aprel kuni 10:30da topshirgan uztozlarning axvollariga yuragim achidi Bu xolatda testni kayta topshirishga xakkim bormi?
YURIST JAVOBI:
❗️Bu holatda zudlik bilan attestatsiya natijasi ustidan apellyatsiya berishingiz lozim.
Vazirlar Mahkamasining 2021 yil 17 sentyabrdagi 572-son qaroriga 1-ilova bilan tasdiqlangan “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi nizom 55-bandiga ko‘ra attestatsiya natijalaridan norozi bo‘lgan pedagog kadrlar natijalar e’lon qilingan kundan boshlab o‘n kun mobaynida apellyatsiya komissiyasiga yozma ravishda ariza (shikoyat) berishlari mumkin. Bunda ariza (shikoyat) ro‘yxatga olingan kundan boshlab o‘n kun muddatda ko‘rib chiqiladi.
Nizomning 59-bandiga ko‘ra apellyatsiya komissiyasi pedagog kadrning attestatsiya jarayonlariga oid murojaatini ko‘rib chiqib, quyidagi qarorlardan birini qabul qiladi:
pedagog kadrning to‘g‘ri baholanganligi, o‘quv fani bo‘yicha test va malaka sinovi materiallarida xato va kamchiliklar, shuningdek, sinovlarni o‘tkazish jarayonida tashkiliy-texnik jihatdan kamchiliklar aniqlanmagan taqdirda, attestatsiya natijalarini o‘zgartirishsiz qoldirish;
pedagog kadrning pedagogik mahorati va psixologik tayyorgarligi noto‘g‘ri baholanganligi, o‘quv fani bo‘yicha test yoki malaka sinovi materiallarida xato va kamchiliklar mavjudligi aniqlangan taqdirda, attestatsiya natijalarini o‘zgartirish;
o‘quv fani bo‘yicha test yoki malaka sinovlarini o‘tkazish jarayonida tashkiliy-texnik jihatdan kamchiliklar mavjudligi aniqlangan taqdirda, test sinovlarining qaytadan topshirilishini tashkil etish.
✅ Shunga ko‘ra sizdagi holatda texnikum muammolar aniqlagan taqdirda sizlar qaytadan attestatsiya sinovlaridan o‘tishingiz mumkin bo‘ladi.
