FHDYO ORGANI QANCHA MUDDATDA ER-XOTINNI NIKOHDAN AJRATISHI MUMKIN ?
⚡️SAVOL;
Turmush o‘rtog‘im bilan oila qurganimizga 3 yil bo‘ldi. O‘rtada farzand mavjud emas. Hozirgi kunda turmush o‘rtog‘im bilan ajralishmoqchimiz va ajrimga har ikkimiz xam rozimiz. Biz ajrashish uchun FHDYO organiga ariza bersak ular bizni qancha muddatda ajratishi mumkin ?
⚡️JAVOB;
Oila kodeksining 218-moddasiga asosan, nikohdan ajralish ariza beruvchilarning doimiy yashash yoki vaqtincha turgan joyi bo‘yicha ro‘yxatdan o‘tgan joydan qat’i nazar fuqarolik holati dalolatnomalarini yozish organiga ariza berilgan kundan boshlab uch oy muddat o‘tgach qayd etiladi deb ko‘rsatilgan.
✏️ Demak, o‘rtada farzandlar mavjud bo‘lmasa va er-xotinning har ikkisi xam ajrashishga birdek rozi bo‘lib FHDYO organiga ariza bersa, FHDYO organi tomonidan ularni nikohdan ajratish ariza berilgan kundan boshlab uch oydan keyin amalga oshirilishi mumkin.
