Imzoni soxtalashtirganlik uchun qonunchilikda qanday jazo bor?
@Yurist_Xizmati 4472-savol:
Assalomu alaykum meni bir tanishim boxchada ishlaydi boxcha asosiy edi keyin u o‘rindosh qlish maqsadida ariza yozib mudirani o‘rnidan imzo qo‘ygan va adliyadan aylantirgan endi mudira bilib qolib arizangni yoz bo‘lmasam jn kodeksning 288 moddasi bilan iah qo‘zg‘atama va 50 aklat jarima va 5 yilgacha ishlolmiysan va maktabdagi shartomangxam bekor bo‘lib ketadi va o‘sha arizaning asl nusxasini ber dyapti bo‘lmasa sudga beraman dyapti shunga nima qlsa bo‘ladi qanday yo‘l tutsa bo‘ladi arizaning asl nusxasi yuq shunga yordam bersangiz oldindan raxmat
YURIST JAVOBI:
Imzosini soxtalashtirgan bo‘lsa, uning bu harakatlariga nisbatan Jinoyat kodeksi 228-moddasi bilan jinoyat ishi ochish mumkinligini bildiradi.
Ushbu moddaga ko‘ra soxtalashtiruvchining o‘zi yoki boshqa shaxs foydalanishi maqsadida muayyan huquq beradigan yoki muayyan majburiyatdan ozod etadigan rasmiy hujjatlar tayyorlashi yoki rasmiy hujjatlarni qalbakilashtirishi yoxud bunday hujjatlarni sotishi, shunday maqsadlarda korxona, muassasa yoki tashkilotning qalbaki shtamplari, muhrlari, blankalarini tayyorlash yoxud sotish:
❗️bazaviy hisoblash miqdorining 50 baravaridan 100 baravarigacha miqdorda jarima yoki uch yuz oltmish soatgacha majburiy jamoat ishlari yoxud uch yilgacha axloq tuzatish ishlari bilan jazolanadi.
✅ Bu vaziyatda o‘zaro kelishuv bilangina masalani hal qilish mumkin. Yoki haqiqatda yozilgan ariza nusxasini topish talab etiladi. Haqiqatda boshqa yo‘li yo‘q.
