O‘tgan yili sentyabrda qabul qilingan hukumat qarori bilan, 6 oy davomida avtomobillarga gaz to‘ldirish shoxobchalarida metan gaz narxi 3250 so‘mdan oshib ketmasligini ta’minlash vazifasi qo‘yilgan edi. 1 apreldan bu muddat yakuniga yetadi va chakana narx oshishi mumkin.
Ijtimoiy tarmoqlarda tarqalgan xabarlarga qaraganda, Toshkentdagi ayrim gaz to‘ldirish shoxobchalarida 1 apreldan metan gaz narxi oshishi haqida e’lonlar paydo bo‘lgan. E’londa 1 metr kub gaz narxi 3800 so‘m bo‘lishi ma’lum qilingan.
Energetika vazirligi matbuot xizmatining ma’lum qilishicha, vazirlik va uning tasarrufidagi tashkilotlar tadbirkorlarning narxni oshirish yoki oshirmaslik haqidagi qaroriga aralasha olmaydi.
