ADVOKATLARGA SOLIQ QANDAY HISOBLANADI?
Assalomu alaykum savolim Advokatlik byurosi kanday soliklar tulaydi va uning solik solish obyekti deb nima tushuniladi, masalan jami shartnoma buyicha kursatgan xizmat xakimi yoki undan ijara va boka tulovlar chegirib tashlanadimi shu buyicha tulikrok ma’lumot kerak edi. Javob uchun oldindan raxmat
JAVOB:
Soliq kodeksining 477-moddasi birinchi qismiga asosan Advokatlar hay’ati, advokatlik firmalari va advokatlik byurolari faoliyatning notijorat tashkilotlar sifatida advokatlar tomonidan huquqiy yordam ko‘rsatish bilan bog‘liq qismi bo‘yicha ijtimo soliq va to‘lov manbaida ushlab qolinadigan soliqlar to‘lovchisi hisoblanadilar. Kodeksining 478-moddasiga asosan Advokatlar tomonidan yuridik yordam ko‘rsatganlik uchun olinadigan gonorarlar summalariga ushbu moddada nazarda tutilgan xususiyatlar hisobga olingan holda, Kodeksning XIII- bo‘limida belgilangan tartibda jismoniy shaxslardan olinadigan daromad solig‘i solinadi. Advokatning daromadlari jismoniy shaxslardan olinadigan daromad solig‘i solish obyektidir. Advokatning daromadi advokat tomonidan yuridik yordam ko‘rsatilganligi uchun olingan summa bilan advokatlar hay’atlarini, advokatlik firmalarini va advokatlik byurolarini saqlab turish uchun o‘tkaziladigan mablag‘lar summasi o‘rtasidagi farq sifatida aniqlanadi. Soliq bazasi advokatning daromadidan uning daromadida hisobga olinadigan ijtimoiy to‘lov chegirib tashlangan holda aniqlanadi.
