Chiqindi qarzdorligini qayta hisoblatsa bo‘ladimi?
@Yurist_Xizmati 4503-savol:
Assalomu alaykum! Men 2007 yilda toshkent shahar shayhantoxur tumanidan uy olib usha uyga 2007 yilda doimiy ro‘yxatga utganman. Hozirgi kunda Qashqadaryo v. Yakkaboğ tumanidagi onamni nomida bo‘lgan uyda yashayapman lekin vaqtincha yoki doimiy ro‘yxatga qo‘yilmagan man. Men Toshkentdagi uy uchun u erda yashasam ham yashamasam ham musur uchun pul tulayman. Shunga majbur ekanman. Endi 2018 yildan Qashqadaryo v. Yakkabog‘ tumanida musur xizmati yōlga quyilib xonadonlarda odam soni ro‘yhatga olingan. Ular bizning uydan 4 kishini ro‘yhat qilishgan. Musur xizmati mahalla bergan ro‘hatni deydi, mahalla esa men bergan ro‘hatda hatto sizlar yuqsilar deydi. 2018 dan beri 389000 qarz chiqarishgan. Mahalladan hat, ma'lumotnoma va uzimni passport kopiyamni bersam ham o‘zgartirmadi. Men qanday yul tutsam buladi adolatli bo‘lishi uchun.
YURIST JAVOBI:
✅ Bu holatda qarzdorlikni doimiy va vaqtincha ro‘yxatda turgan fuqarolarning haqiqiy soni bo‘yicha qayta ko‘rib chiqish mumkin.
Vazirlar Mahkamasining 2019-yil 6-fevraldagi 95-son qarori bilan tasdiqlangan "Qattiq va suyuq maishiy chiqindilarni to‘plash va olib chiqib ketish bo‘yicha xizmatlar ko‘rsatish" QOIDALARIga muvofiq iste’molchi bu xizmat ko‘rsatuvchi tashkilotga biriktirilgan hududda doimiy yashash yoki vaqtincha turgan joyi bo‘yicha ro‘yxatga olingan fuqarolardir.
♂️ Demak, hujjat bo‘yicha doimiy yoki vaqtincha ro‘yxatda turganlar olinishi kerak. Aniqroq qilib aytsak, amalda uyingizda necha kishi yashashi emas balki ro‘yxatda turganligi bo‘yicha hisoblashri kerak. Buni o‘zgartirish mumkin.
☝️Yuqorida keltirib o‘tilgan Qoidalarning 37-bandiga muvofiq abonentlar bo‘yicha o‘zgarishlar to‘g‘risidagi ma’lumotlarga kiritilmagan va ular haqida xizmat ko‘rsatuvchi tashkilotga taqdim etilmagan yangi abonentlar yoki birga doimiy yashash yoki vaqtincha turgan joyi bo‘yicha ro‘yxatga olingan, shu jumladan, O‘zbekiston Respublikasi hududida bo‘lmagan shaxslar aniqlanganda,
Hisobga olishning yagona elektron tizimida abonentlar va birga doimiy yashash yoki vaqtincha turgan joyi bo‘yicha ro‘yxatga olingan shaxslar soniga tuzatishlar kiritiladi.
Bir vaqtning o‘zida, tasdiqlovchi hujjatlar mavjud bo‘lganda (fuqarolarning o‘zini o‘zi boshqarish organi yoki xizmat ko‘rsatuvchi tashkilot xodimi tomonidan tuzilgan dalolatnoma, ichki ishlar organlari tomonidan doimiy yashash joyi yoki vaqtincha turgan joyi bo‘yicha ro‘yxatga olinganligining tasdig‘i, chegara (migratsiya) qaydlari, fuqarolik holati dalolatnomalarini yozish organi (FHDY)ning tug‘ilganlikni qayd etish to‘g‘risidagi va boshqa ma’lumotlar), qattiq maishiy chiqindilarni to‘plash va olib chiqib ketish xizmatlari uchun majburiy to‘lovlar bo‘yicha qarzdorlik, haqiqatda doimiy yashash yoki vaqtincha turgan joyi bo‘yicha ro‘yxatga olingan shaxslar soni ortgan yoki kamaygan (ko‘chib kirish, ko‘chib ketish, tug‘ilish va shu kabilar) vaqtdan boshlab to‘liq qayta hisoblab chiqiladi, tasdiqlovchi hujjatlar mavjud bo‘lmagan holatlarda esa — o‘tgan uch oy uchun hisob-kitob qilinadi.
Shunday ekan bu vaziyat hujjatlar bilan dasdiqlab berilishi kerak.
Bunda, xizmat ko‘rsatuvchi tashkilot tomonidan ushbu Qoidalar talablariga zid ravishda Hisobga olishning yagona elektron tizimiga o‘zgartirish kiritilganligi yoki qayta hisob-kitob qilinganligi aniqlangan hollarda Markazning hududiy filiallari xizmat ko‘rsatuvchi tashkilotga 5 ish kuni muddatida kamchiliklarni bartaraf etish to‘g‘risida elektron tarzda ogohlantirish yuboradi.
Xizmat ko‘rsatuvchi tashkilot tomonidan mazkur ogohlantirishda ko‘rsatilgan kamchiliklar belgilangan muddatda bartaraf etilmagan taqdirda, Markazning hududiy filiali tomonidan Hisobga olishning yagona elektron tizimiga noto‘g‘ri kiritilgan ma’lumotlar tizimdan o‘chirilishi mumkin.
❗️Siz savolda doimiy yoki vaqtincha ro‘yxatdan o‘tmay yashayotganingizni yozgansiz. Bu holat qonun hujjatlariga zid hisoblanadi. Ma’muriy javobgarlik qoidalarining 223-moddasiga ko‘ra vaqtincha turgan joyi bo‘yicha ro‘yxatdan o‘tmay yashash uchun javobgarlik belgilangan.
