Avtomobil rangini o‘zgartirish javobgarlikka tortishga asos bo‘lmaydi
Vazirlar Mahkamasining 2022 yil 22 fevraldagi 86-son qarori bilan tasdiqlangan nizomning 26-ilovasiga muvofiq, Avtotransport vositalarini qayta jihozlash uchun ruxsatnoma pasporti ko‘rsatib o‘tilgan. Pasportning 12-bandida avtotransport vositasi qayta jihozlangan deb tan olinadigan o‘zgarishlar ro‘yxati belgilangan.
Mazkur ro‘yxatda avtotransportning kapot, kuzov yoki boshqa qismlari rangi o‘zgartirilishi uchun ruxsatnoma talab qilinishi belgilanmagan.
Shundan kelib chiqib, MJtKning 125-moddasi uchinchi qismida nazarda tutilgan ya’ni tegishli ruxsatnomasiz qayta jihozlangan transport vositasini boshqarganligi uchun jarima jazosi qo‘llash hamda avtotransport vositasini ushbu Kodeksning 291-moddasi asosida vaqtincha ushlab turish qonunga zid hisoblanadi.
