JIGARINGNI TOPOLMAYSAN
Hayot bo‘lsa qadriga yet,
Ranjitishdan sal nari ket,
Ajralmasin tirnoqdan et,
Jigaringni topolmaysan.
Umr qisqa, janjalni qo‘y,
Vaqt borida diydorga to‘y,
Poylariga molingni so‘y,
Jigaringni topolmaysan.
Qo‘llaringa bir o‘ylab boq,
Nogoh kessa birin pichoq,
Og‘rimaydi qaysi barmoq,
Jigaringni topolmaysan.
Bo‘la olsang bo‘lgin malham,
Sirlaringni ko‘rgin baham,
Bir kun ming bor izlasang ham,
Jigaringni topolmaysan.
Yaqin qilgin yirog‘ini,
O‘chirma qalb chirog‘ini,
Keyin hidlab tuprog‘ini,
Jigaringni topolmaysan.
