Uyimni oldidagi bo‘sh yerga bog‘cha ochmoqchiman, shuni DXSH shaklida loyiha qilib "Open budget"ga qo‘ysam bo‘ladimi?
@Yurist_Xizmati 4391-savol:
7 sotix bush yerim bor edi.Uyimni oldida bogcha kurmokchiman.DXSH shaklida,loyixani open budjetga kuysam buladimi. Tartibi kanaka buladi
YURIST JAVOBI:
O‘zbekiston Respublikasi Prezidentining 2018 yil 22 avgustdagi PQ-3917-son “Budjet ma’lumotlarining ochiqligini va budjet jarayonida fuqarolarning faol ishtirokini ta’minlash chora-tadbirlari to‘g‘risida”gi qarori bilan 2019 yildan boshlab budjet mablag‘larini taqsimlashda fuqarolar ishtirokining tuman (shahar) lar budjetlari qo‘shimcha manbalarining kamida 10 foizini jamoatchilik fikri asosida shakllantirilgan tadbirlarga yo‘naltirishni nazarda tutadigan mexanizm joriy etildi.
Bunda voyaga yetgan barcha O‘zbekiston fuqarolari o‘zlarining aholi punktlarini obodonlashtirish va boshqa masalalarni hal qilishga qaratilgan budjetni jamoatchilik fikri asosida shakllantiriladigan loyihalarni ilgari surish huquqiga egalar.
✅ Mana shu qoidaga muvofiq, siz ham o‘z taklifingizni kiritishingiz mumkin.
♂️ Takliflarni qoldirish uchun loyiha “Ochiq budjet” portalida (openbudget.uz) ro‘yxatdan o‘tkaziladi.
❗️Biroq bunda loyihaning o‘ziga qo‘yilgan talablar ham mavjud. Ya’ni, loyiha shaxsiy manfaatlarni (avtomobil yoki uy sotib olish, biznesni qo‘llab-quvvatlash va boshqalar) hal qilish imkoniyatini istisno qiladigan va 1 mlrd. so‘mdan oshmaydigan (bazaviy hisoblash miqdorining 4 ming barobaridan oshmaydigan) jamoaviy muammolarni hal qilishga qaratilgan bo‘lishi kerak.
❗️Siz savolda DXSH asosida bog‘cha qurmoqchi ekaningizni yozgansiz, bu biznesni tashkil etish va uni qo‘llab quvvatlashga qaratilgan loyiha bo‘lgani sababli, siz loyihani joylashtirgan taqdiringizda ham bu loyiha o‘tmasligi mumkin.
