Qon guruhining jinsiy hayotga dahli bormi?"
Ma’lumki, insonning ehtiroslarga beriluvchanlik darajasi qon tarkibidagi jinsiy gormonlar tomonidan belgilanadi. Gematolog olimlar hamda ruhshunoslarning aniqlashicha, sevgi temperamenti qon guruhimizga bevosita bog‘liq bo‘lar ekan. Ushbu maqolada esa ayni shu mavzuda sirlashamiz.
Otashin muhabbat
Birinchi qon guruhi — O(I) vakillari
Birinchi qon guruhi vakillari hayotning hamma jabhasida birinchilikni qo‘ldan boy bermaslikka harakat qilishadi. Jumladan, yotoqxonada ham. Boshqa qon guruh egalariga nisbatan ularning jinsiy hayoti faol ko‘rinishda kechadi. Odatda, birinchi qon guruhi vakillari umr yo‘ldoshini tashqi ko‘rinishiga qarab emas, balki hissiyotlarga beriluvchanligi uchun tanlasharkan. Sevib-sevilishni istashadi. Va o‘zlari anglamagan holda jinsiy hayotdan doim to‘liq qoniqish his etishga intilishadi.
Uyatchan, sodda
Ikkinchi qon guruhi — A(II) vakillari
Ular o‘z xohish-istaklarida qat’iy turishmaydi. O‘zining ham, o‘zgalarning ham oldiga katta talablar qo‘yishmaydi. Oddiylikni xush ko‘rganliklari sabab, munosabatlarda ham yangiliklarga qo‘l urishga biroz cho‘chishadi. Soddalik fe’l-atvorlarining yorqin jihati bo‘lgani bois, o‘z hislarini omma oldida ham, sevgani bilan yolg‘iz qolganida ham izhor etishga qiynalishadi. Bu qon guruhiga mansub insonlarga juftining ta’siri ostida bo‘lish hamma narsadan ham qulay sanaladi. Ikkinchi qon guruhidagi erkaklar ayolni tashqi ko‘rinishi va aqli uchun sevishadi. Ayollar esa tortinchoq bo‘lganlari tufayli jinsiy hayotdagi ustunlikni juftlariga yuklashni xush ko‘rishadi.
Uchinchi qon guruhi — B(III) vakillari
Bu qon guruhi vakillarining aksariyatidan jinsiy hayotga jiddiy qarashni talab qilish hech qanday samara bermaydi. Chunki ular umr yo‘ldosh tanlash masalasiga biroz yuzakilik bilan yondashishadi. Odatda, shaxsiy ehtiyojlarini qondirishni asosiy maqsad deb bilishadi. Shuning uchun, bu qon guruhi vakillarining orasida xiyonatga qo‘l urganlarni ko‘proq uchratish mumkin. Ular uchun yonlaridagi insonning kechinmalari muhim ahamiyatga ega emas, asosiysi, o‘zining huzur-halovati. Juftiga katta talab qo‘yishlari mumkin, biroq o‘zlariga kelganda hech qanday o‘zgarish yuz bermaydi. E’tiroz bildirsangiz bormi, "Meni borimcha qabul qil!” degan javob eshitishingiz ehtimoli yuqori. Ayollar ham bir xillikdan tezda zerikib qolishlari mumkin. Agar juftingizning qon guruhi uchinchi bo‘lsa, maslahatimiz odatiylikdan voz keching, munosabatlarga yangiliklar olib kirishdan cho‘chimang. Turmush o‘rtog‘ingiz bundan xursand bo‘lishi shubhasiz! Ana shu yo‘l bilangina ularni xiyonat ko‘chasiga kirishlariga yo‘l qo‘ymagan bo‘lasiz.
Mehribon, romantik
To‘rtinchi qon guruhi — AB(IV) vakillari
Bu insonlar yangilikka shunchalar o‘chki, munosabatlardani turli o‘zgarishlardan faqatgina quvonch his qilishadi. Ko‘ngli romantik hislarga oshuftaligi sabab, har qanday temperament egasi bilan ham tezda til topisha oladi. Juftiga e’tibor va mehr berishdan charchamaydi, yonidagi insonning har qaysi xohishiga quloq tutadi. Bu qon guruhiga mansub ayollar suyangan tog‘i — eriga xush kelish uchun hamma narsaga tayyor. Erkaklarning tasavvuri keng, orzular osmonida uchib yurish bilan birga, ularni amalga oshirish uchun ham harakat qilishadi.
Qon guruhiga qarab berilgan ushbu tavsiflar sizga juftingizni yanada yaxshiroq bilishingizga yordam beradi, degan umiddamiz! Xayotingiz boldek totli bo‘lsin!
