❗️Ishga kelmagan va darslarni o‘z vaqtida o‘tmaydigan o‘qituvchilarga qanday chora ko‘rish mumkin?
@Yurist_Xizmati 4352-savol:
Salom savolim bor edi. Men maktabda o‘qituvchi bo‘lib ishlayman. Bizni maktab zauch o‘zining yaqin o‘qituvchilari darsi yo‘q kuni maktabga kelmasa ham maktabga keldi ped yuklamani bajardi deb oylik yozadi, lekin men darsim yo‘q kuni maktabga bormasam meni shu kungi ped yuklamani bajarmadi deb oylikimni qirqadi. Zauchnig yaqinlari darsi yo‘q kuni maktabga kelmasa ham keldi deb yo‘qlamag pilus qo‘yib ularga oylik yozib yurganini zauch qonun buzib yurganini qanday isbotlasam bo‘ladi. kamera yo‘q maktablarda kunlik yo‘qlama qanday tartibda yuritilishi kerak va yo‘qlama qonuniy yuritilib turganini biz qanday bilsak bo‘ladi.
YURIST JAVOBI:
❗️Ishga kelmagan o‘qituvchilarga intizomiy ta’sir chorasini qo‘llash mumkin.
1⃣ Birinchidan, o‘qituvchi ishga kelmasa, darslarini o‘z vaqtida o‘tmasa, tabelga tegishli belgi qo‘yiladi.
Budjet tashkilotlarida buxgalteriya hisobi to‘g‘risidagi Yo‘riqnoma (ro‘yxat raqami 2169)ning 285-bandiga ko‘ra oyning oxirida tabel bo‘yicha ishlangan kunlarning umumiy miqdori, shuningdek, ortiqcha ishlangan soatlar aniqlanadi. To‘ldirilgan va tegishli imzolar bilan rasmiylashtirilgan tabel va boshqa hujjatlar belgilangan muddatda ish haqi hisoblab yozish uchun buxgalteriyaga topshiriladi.
☝️Shu qoidaga ko‘ra o‘qituvchi ishga kelmasa, unda Budjet tashkilotlarida buxgalteriya hisobi to‘g‘risidagi yo‘riqnomaga 55-ilovada belgilangan P (progullar) belgisi qo‘yiladi.
♂️ Shundan so‘ng tegishli tartibda unga nisbatan intizomiy ta’sir chorasi ko‘rish boshlanadi. Yangi tahrirdagi Mehnat kodeksi 312-moddasiga muvofiq xodimga mehnat intizomini buzganligi uchun ish beruvchi quyidagi intizomiy jazo choralarini qo‘llashga haqli:
1) hayfsan;
2) o‘rtacha oylik ish haqining o‘ttiz foizidan ortiq bo‘lmagan miqdorda jarima.
3) mehnat shartnomasini bekor qilish (100-modda ikkinchi qismining 3 va 4-bandlari).
Ushbu kodeks 313-moddasiga ko‘ra yuqoridagi jazo turlari faqat uni qo‘llashga vakolatli shaxslar tomonidan berilishi mumkin.
Bunda O‘IBDO‘ har bir shaxsga obektiv holatda qarab, qaysi xodim haqiqatda ishga kelmagan bo‘lsa, shunga tegishli tartibga belgi qo‘yishi kerak. Agar u amalda ishga kelmagan o‘qituvchiga ishga keldi deb tabel beradigan bo‘lsa, unga nisbatan jinoiy javobgarlik chorasi qo‘llanishi mumkin. Bunda Jinoyat kodeksining 184-1-moddasiga ko‘ra Moliya yilida budjet va smeta-shtat intizomini buzish ko‘p miqdorda sodir etilgan bo‘lsa,
bazaviy hisoblash miqdorining 50 baravarigacha miqdorda jarima yoki 240 soatgacha majburiy jamoat ishlari yoxud bir yilgacha axloq tuzatish ishlari bilan jazolanadi. Yoki JK 167-moddasiga asosan Aybdorga ishonib topshirilgan yoki uning ixtiyorida bo‘lgan o‘zganing mulkini o‘zlashtirish yoki rastrata qilish yo‘li bilan talon-toroj qilish,
bazaviy hisoblash miqdorining 100 baravarigacha miqdorda jarima yoki 240 soatgacha majburiy jamoat ishlari yoxud bir yilgacha axloq tuzatish ishlari bilan jazolanadi.
❗️Bu holatda siz tuman prokuraturasiga shikoyat qilishingiz lozim deb hisoblaymiz.
