Parvoz etayotgan samolyot manzarasi kishini ta`sirlantiradi, ammo uning uchun yangilik hisoblanmaydi. Los-Anjelesdan bo`lgan fotosuratchi Maykl Kelli bitta suratda dunyoning turli aeroportlaridan parvoz etayotgan samolyotlar tasvirlarini jamlashga qaror qildi.
Kelli 2 yil mobaynida dunyoning 18 ta aeroportida parvoz etayotgan havo kemalarini suratga tushirdi. Shundan so`ng, u barcha tasvirlarni jamlab, yagona kompozitsiya hosil qildi.
Fotosuratchi samolyotlar parvozini kechki soat 17:00dan 18:00gacha bo`lgan vaqt orasida Los-Anjelesda suratga oldi yoki tonggi 6 va 8 oralig`ida Dubayda suratga tushirdi. Aynan mana shu vaqt parvozlarning tig`iz vaqti hisoblanadi.
U, shuningdek, Londonning Hitrou, Tsyurih, Myunhen, Amsterdam va Frankfurt-Mayndagi aeroportlarda ham havo laynerlarining parvozini suratga olgan.
Loyiha «Aeroportretlar» (Airportraits) deb nom oldi. Kellining aytishicha, u kollajlar uchun ikki yillik umrini, 75 000 parvoz mili va “fotoshop uchun juda ko`p vaqt” sarflagan.
Los-Anjeles Halqaro aeroporti
Myunhen aeroporti
Londonning Hitrou aeroporti
Tokio aeroporti
Manba : http://kun.uz
