Telegramning imkoniyatlari juda ko‘p. Bugun biz sizlarga o‘zidan-o‘zi o‘chib ketadigan rasmlarni qanday yuborish mumkinligi haqida ma’lumot beramiz. Ba’zida biror kimga rasm yoki videolar jonatamiz-u lekin unda bu ma’lumotlar uzoq vaqt davomida qolib ketishini istamaymiz. Quyidagi maslahatlar sizga ana shunday vaqtlarda asqotishi aniq.
Demak, o‘zidan-o‘zi yo‘q bo‘luvchi rasmlarni yuborish uchun quyidagi amallarni bajarish kerak bo‘ladi.
1. Yubormoqchi bo‘lgan rasm yoki videoni tanlang va soat belgisini bosing.
2. Keyin vaqtni belgilang (1 soniyadan 1 daqiqagacha), ana shunda media mahsulot chatda siz tanlagan vaqt moboynida turadi. Vaqt tugagach esa mahsulot avtomatik ravishda o‘chiriladi.
3. Yuklangan fayl olov belgisi bilan belgilanadi. Ko‘rilgandan so‘ng fotosurat o‘chirilganligi to‘g‘risida ham xabar olasiz.
Agar fotosurat ko‘rish paytida skrinshot qilib olingan bo‘lsa, bu haqda ham sizga bildirishnoma yuboriladi.
Manba:
Xabardor.uz