172 ko'rilgan
Mulkingizni garovga qo‘yib boshqa shaxsga kredit olib berishda ehtiyot bo‘ling

Kecha bir tadbirkor bilan kredit masalasida gaplashib qoldim. Holat shundayki, tadbirkor o‘z mulkini garovga qo‘yib bir fuqaroga katta miqdorda kredit olib bergan. Fuqaro esa kreditni olib  to‘lamagan. Oqibatda holat bank kedit ta’minoti sifatida qo‘yilgan binoni hatlab uni sotuvga qo‘yishgacha boradi. Shundan so‘ng, tadbirkor barcha kredit tolovlarini to‘lab o‘z binosini saqlab qoladi.

Masala shundaki, keyingi bosqichda bank hisoblangan jarima va penyalarni undirishni so‘rab sudga murojaat qiladi va sud undiruvni yana garovga qo‘yilgan binoga qaratadi. Bu yerda tadbirkor hisoblangan foizlarni ham to‘lashga majbur edimi? Fuqarolik kodeksining 268-moddasiga asosan agar shartnomada boshqacha tartib nazarda tutilgan bo‘lmasa, garov talabning uni qondirish paytidagi hajmini ta’minlaydi, xususan foizlar, neustoyka, ijroni kechiktirib yuborish natijasida yetkazilgan zarar to‘lanishini, shuningdek garovga oluvchining garovga qo‘yilgan ashyoni saqlashga qilgan zarur xarajatlari va undiruv xarajatlari to‘lanishini ta’minlaydi deb belgilangan.

Ya’ni siz biror mulkingizni garovga qo‘yib boshqa bir shaxsga kredit olib beryapsizmi, yertaga u kreditni to‘lamagan taqdirda siz ham asosiy qarzni ham asosiy qarzga hisoblagan penya, jarima va boshqa zararlarni ham garovga qo‘ygan mulkingiz hisobidan to‘lashga majbur bo‘lasiz.
Bu mavzu Sud va huquqiy maslaxatlatlar bo'limida 06 Iyun da maqola yozgan. | 172 ko'rilgan