56 ko'rilgan
OTALIKDAN MAHRUM ETIB, ALIMЕNTDAN OZOD ETSA BO‘LADIMI?

Oila kodeksining 81-moddasiga ko‘ra ota-onalik huquqidan mahrum qilinishi ota-onani o‘z bolasiga ta’minot berish majburiyatidan ozod qilmaydi.

Demak, otalikdan huquqidan mahrum bo‘lgan taqdirda ham barbir aliment to‘lashda davom etadi.

Lekin yana bir qoida bor. Ushbu kodeksning 105-moddasiga muvofiq aliment to‘layotgan ota-onaning boshqa voyaga yetmagan bolalari bo‘lib, undan qonunda belgilangan miqdorda aliment undirilganda o‘sha bolalar aliment olayotgan bolalarga nisbatan moddiy jihatdan kamroq ta’minlanib qoladigan bo‘lsa, shuningdek aliment to‘layotgan ota (ona) nogironligi bo‘lgan shaxs bo‘lib, moddiy jihatdan qiynalib kelayotgan bo‘lsa yoki aliment olayotgan shaxs mustaqil daromadga ega bo‘lgan taqdirda, aliment miqdori sud tomonidan kamaytirilishi mumkin.

Pochchangiz ushbu masalada aliment undirish haqida buyruq (qaror) chiqargan fuqarolik sudiga da’vo ariza bilan murojaat qilib, aliment miqdorini kamaytirishni so‘rashlari mumkin.
Bu mavzu Sud va huquqiy maslaxatlatlar bo'limida 27 Iyun da maqola yozgan. | 56 ko'rilgan