62 ko'rilgan
Ajrashgandan keyin ham uyni sotishda er-xotinning roziligini olish kerakmi?

@Yurist_Xizmati 4572-savol:

assalomu aleykum. Savolim bor, 2013 yilda sud karoriga asosan ajrashdim, lekin zagsim 2021 yilda kesildi, nomimda uy bor uni sotganman lekin uyni sotib olgan odam nomiga utkazolmayapman, sababi sud karori asosi bulolmas ekan, zags kesilmaganiga ajrashib ketgan sobik erimni roziligi kerak ekan. Savolim er roziligisiz sudni karoriga asosan uyni utkazolamanmi

YURIST JAVOBI:

❗️Sud qarorining o‘zi nikohdan ajrashganlikni tasdiqlamaydi.

Oila kodeksining 47-moddasiga binoan nikoh FHDYO organida nikohdan ajratish qayd etilgan kundan boshlab tugatiladi.

Vazirlar Mahkamasining 2023-yil 20-oktabrdagi 550-son qaroriga 3-ilovada tasdiqlangan Fuqarolik holati dalolatnomalarini qayd etish Qoidalarining 111-bandiga ko‘ra FHDYO organi sud qarori asosida er-xotinlardan birining arizasiga binoan nikohdan ajratish to‘g‘risidagi dalolatnoma yozuvini qayd etadi va nikohdan ajratish to‘g‘risidagi guvohnomani beradi.

Shunga ko‘ra nikohdan ajrashganlik haqida guvohnoma berilgandan keyin er va xotin o‘rtasidagi nikoh bekor qilingan sanaladi.

❗️Shunday ekan siz ham guvohnoma olguningizcha nikohda turgan hisoblanasiz.

Demak, bunday holatda notarius Oila kodeksining 24-moddasi hamda "Notariuslar tomonidan notarial harakatlarni amalga oshirish tartibi to‘g‘risidagi" Yo‘riqnoma (ro‘yxat raqami №3113) qoidalariga ko‘ra turmush o‘rtog‘ingizning roziligini olishi huquqiy asosga ega. Bu holatda siz fuqarolik sudi orqali Oila kodeksining 27-moddasiga muvofiq uyni shaxsiy mulk deb topishni so‘rashingiz mumkin.

Chunki mazkur normaga ko‘ra oilaviy munosabatlar tugatilganda, sud er va xotin alohida yashagan davrda orttirgan mol-mulkni ulardan har birining o‘z mulki deb topishi mumkin.

✅ Sud uyni sizning xususiy mulkingiz deb topsa, uyni sotishda turmush o‘rtog‘ingizning roziligini olish talab etilmaydi.
Bu mavzu Sud va huquqiy maslaxatlatlar bo'limida 27 Iyun da maqola yozgan. | 62 ko'rilgan

O'xshash maqolalar bilan tanishing