By Best Programmer | Channel: @Uzb_Dasturchilar
Kanalimiz azolari hamda ko'pchilik yoshlarning qiziqishini inobatga olib, ular uchun dasturlashni o'rgatuvchi mobil ilovalar ro'yxatini keltiramiz. Ha, shular yordamida dasturlashni o'z smartfoningizda ham o'rganishingiz mumkin!
Udacity Udacity – dasturlashni o'rgatuvchi taniqli resurs bo'lib, u mazkur yo'nalishda bepul ilova ham chiqargan. Uning yordamida axborot texnologiyalari sohasidagi bepul kurslarda o'z bilimlaringizni oshirishingiz mumkin. Ilova Android hamda iOS uchun ishlab chiqilgan.
Swifty Swift dasturlash tilini o'rganish uchun Apple kompaniyasining o'zi tomonidan ishlab chiqilgan iOS-ilova. Swift Playgrounds Bu – Swift dasturlash tili bilan tanishishning eng sodda usulidir. Swift Playgrounds bilan o'z planshetingizda – mavjud qoliplardan foydalangan holda, yoki o'zingiz qolip o'ylab topib, o'z ilovangizni yaratishingiz mumkin.
Codecademy Hour of Code Codecademy ta'lim portali iPhone uchun o'zining ilk ilovasini ishlab chiqdi, uning yordamida dasturlash asoslarini bir soat ichidayoq o'zlashtirishingiz mumkin! Undagi kichkina topshiriqlarni bajarish judayam kam vaqt talab etadi.
Lrn Ommabop HTML, CSS, Python, Ruby, Javascript dasturlash tillaridan birida kod yozishga ko'maklashuvchi servis. iOS uchun ilova tarzida taqdim etilgan, Android-versiyasi esa hozircha ishlov jarayonida.
Tynker Bu – bolalar uchun ommabop o'rgatuvchi platformalardan biri. Undan 8000 dan oshiq maktabda foydalanishadi. Tynker 6 milliondan oshiq bolalarga dasturlashni boshlashga yordam bergan. Uning iOS-ilovasi ham mavjud.
Khan Academy Mashhur ta'lim resursi – Khan Academy ham Android va iOS uchun ilovalarini taqdim etgan. Ular mazkur platforma kurslarida o'z mobil qurilmangiz orqali qatnashish imkonini beradi.
Javvy Java dasturlash tilini o'rgatuvchi interfaol o'quv qo'llanmasi. Uning yordamida mazkur til asoslarini o'rganib olish mumkin. Ta'lim kursi 150 dan oshiq darsni o'z ichiga oladi. Uni Google Play yoki iTunes do'konidan olishingiz mumkin.
SoloLearn SoloLearn – dasturlashni foydalanuvchiga maxsus o'yinlar yordamida o'rgatuvchi mobil ilovalar to'plamidir. SoloLearn bepul ilovasini iOS va Android platformalari uchun yuklab oling.
Coursera: Online courses Dunyoning etakchi universitetlarining bepul kurslari – Coursera endi Android hamda iOS ilovalari tarzida ham chiqarilgan.
EdX – Online Courses Jahondagi eng yaxshi universitetlarning onlayn-kurslarini taklif etuvchi yana bir ochiq ta'lim maydonchasi. Android yoki iOS tizimidagi qurilmalar uchun ilovani yuklab oling. Shuningdek, quyidagi ikki resurs ham dasturlashni qiziqarli tarzda o'rgatishga mo'ljallangan.
CodeWars Bu servisda siz dasturlash bo'yicha boshqa ishtirokchilar bilan o'zaro musobaqaga kirisha olasiz. Foydalanuvchilarga kod yozish uchun turli tillar hamda bajarish uchun topshiriqlar taqdim etiladi.
CodeCombat Dasturlashga o'rgatuvchi eng ommabop o'yinlardan biri. Bu ilovadan ko'pincha ta'lim muassasalarida dasturlashni o'rgatish uchun foydalanishadi. Barcha yoshlardagi kishilar uchun kurslari mavjud.
@Uzb_Dasturchilar
