1. Kiyev shahrida kitoblar ko'rgazmasi bo'lib o'tadi. Undagi bir g'ayrioddiy kitob hammaning e'tiborini o'ziga qaratadi.
Bu kitobning o'ziga xosligi shundaki, kitob varaqalari tartibsiz sahifalanagan. Masalan, 7-betdan so'ng 23-bet keladi, 8-betdan keyin esa 11-bet va hakozo. Jumlalar ham almoyi-aljoyi: so'zlar va gaplar bir-biri bilan bog'lanmagan. Ma'lumotlar ham biri bog'dan kelsa, biri tog'dan keladigan holatda. Sababi kitobning X haqida ekanligidadir.
❓ Savol: X ni ikki so'z bilan ifodalang.
(Yordam: shu ikki so'z "A ning B si" qolipida)
2. Sayyohlik agentligiga qo'ng'iroq bo'ldi:
-Sizlard Misrga ham sayohat bormi?
-Ha, bor.
-Qaysi kurortlarga sayohatlar bor?
-Sharm al-shayxga, Xurgodaga, Nuvaybaga bor...
-Yaxshi, yaxshi. Nuvayba MOS KELADI. Rahmat.
- ...
Latifani yakunlab qo'yishingiz shart emas, shunchaki, qo'ng'iroq qilgan odamga nega aynan shu kurort mos ekanligini ayting.
(Yordam: geografiyaga doir bilimlar shart emas)
3. X - oq qog'oz;
XX - daryo bo'lib oqayotgan qonlar;
XXX - ko'pchiligimiz ilinib turadigan "tuzoq".
❓ Xni toping.
(Yordam: Ingliz tilidagi boshlang'ich ma'lumotlarni ishga solish kerak)
4. Rivoyat qilishlaricha, bir zukko podshoh vazirlarining aql-zakovatini imtihon qilish niyatida shunday jumboq aytibdi: "Saroy darvozasi oldiga chiqsangiz, bir qariya o'tiribdi. Uning barmog'ida men bergan uzuk bor. Men unga uzukni hech kimga bermang, faqatgina podshohning yuzini yuz ming bor ko'rsatgan kishiga ber, deb tayinlaganman".
❓ Savol: Vazirlar qariyadan uzukni qanday yo'l bilan olishadi?
