Sitrus mevalar transheyalari janubiy oblastlarda oktabr oyi oxiridan kechiktirmay, shimoliy oblastlarda esa oktabr oyining birinchi yarmidan yopiladi.
Transheyaning shimoliy nishobi qalinligi 2,5 sm li taxtalar bilan yopiladi, tashqi tomoni somonli loy bilan suvaladi. Transheyaning janubiy nishobi ikki qavat oyna solingan parnik ramalari bilan berkitiladi. Janubiy nishoblarni bir qavat oyna solingan, tashqi tomon yaxshilab zamaskalangan 2,13 x 1,07m li parnik ramalari bilan yopilsa ham bo’ladi. Kunlar birdaniga sovub qolgan kezlarda parnik ramalari ustiga tig’iz qilib qo’qilgan bordon, kamida 10sm qalinlikda qamiz yoki sholi shulxasi solinadi.
Transheya ustiga yoqqan qor erigunga qadar qoldiriladi. Tashqi havo harorati 0 darajadan yuqoriga ko’tarilganida har transheyadagi bir necha rama kunduzlari tirgovuch bilan ko’tarib, ustidagi bordonlar esa qayrib qo’yiladi. Bunday qilinmaganida harorat ko’tarilishi va yorug’lik yetishmay qolishi natijasida o’simliklar barglarini to’kib yuborishi mumkin.
Transheyaning janubiy nishobi ikki qavat oyna solingan parnik ramalari bilan yopilganida qimmatbaho va tez eskirib qoladigan bordonni sotib olish uchun qo’shimcha xarajat qilinmaydi, shu bilan birga transheyadagi harorat va yorug’lik rejimi ancha yaxshilanadi.
Transheyaga va uning tashqarisiga termoometrlar qo’yilib, transheyadagi hamda tashqaridagi havo harorati har kun tekshirib turiladi va yozib boriladi. Qish faslida transheyalardagi issiqlik 3-5 daraja issiqlik darajasida tutiladi. Shu bilan birga transheyaning ustidan chakka o’tmasligiga va transheyadagi namlik haddan tashqari otib ketmasligiga e’tibor beriladi.
Manba: Mygarden.uz
